પરિવર્તન

નીરસ બનતી આ જીંદગીમાં, 

હવે આનંદમાં કોઈ રસ નથી,

બદલાઈ છે પરિભાષા સંબંધની સમય સાથે, 

હવે થયું છે મંદ આકર્ષણ મોસાળનું,

પહેલા હતા આતુર વેકેશન માટે જે બાળકો, 

આજે ઓસરી ગયો ઉમળકો એ બાળકોનો,

નથી હવે ઉમંગ કે હર્ષ મામા કે ફોઈના ઘરનો, 

આજે ઘટ્યા છે પરસ્પરના હેત ને વઘ્યો છે સ્વાર્થ, 

નથી સંભળાતા હવે એ ખેતરો કે ગલીઓનાં સાદ, 

ભુલાયા સારા સંસ્મરણો ને મીઠાં લડાઈ - ઝઘડા, 

વિસરાઈ ગઈ આજે એ બાળવાર્તાઓ, 

ખોવાઇ ગયાં આજે સૌ આ ઈન્ટરનેટની દુનિયામાં,

આજે અભડાઇ ગઈ છે આત્મિયતા, 

હવે પોતાની જાત માટે પણ સમય નથી.