પ્રીત
પ્રીત
વાસંતી આજ વાયે વાયરો કોનો ઇશારો છે;
નથી પ્રીતમ છતાં મૃગજળ સમા એના વિચારો છે.
કથામાં શું મજાનું છે, જો એ પૂછે તો હું કહું છું;
"મિલન એ પણ તમારૂં છે.. વિરહ એ પણ તમારો છે."
ન કર કલરવ મનન કાજે દિલે કેવી તૃષા જાગી
સકળ ઘટના વસી હૈયે વ્યથાનાં આ પ્રહારો છે.
ચમનમાં ના રહી ફોરમ છતાં ગુલઝાર લાગે છે; છે કરમાયા ફૂલો, તો પણ બધે શાની બહારો છે!!
પ્રણય ના રંગ કાજે આમ દિલ લાચાર લાગે છે; મનોમન આમ કેવો 'પ્રીત'નો જો ને સહારો છે.