જળ એ જીવન છે
જળ એ જીવન છે
જળ એ જીવન છે,
ધરતીનું મન છે,.
હરદમ ચમકતું એ તો ધરતીનું તન છે.
વૃક્ષ વેલના એના રૂપ છે અનોખાં,
ફળ ફૂલ કેરાં એના રૂપ છે અનોખાં.
રંગતને ખૂશ્બુ એનો જિંદગીનો સાગર છે.
જળ એ જીવન છે ...
ધાવી લ્યો મીઠાં આ ધરતીના ધાવણ રે
ખેલી લ્યો ફાગ એના રંગીલા પાલવ રે,
જીવનની એકલતામાં ભીનો ભીનો શ્વાસ છે.
જળ એ જીવન છે.....
ઝરણાં નો લય છે,રોશનીની ચાલ છે,.
દેવોનું દીધેલું એ અભય વરદાન છે,
જગની એકલતાની ભીની ભીની આશ છે.
જળ એ જીવન છે....
જિંદગીનું સ્વર્ગ છે એ વેદને પુરાણ છે,
શ્વાસોમાં રમતી એ તો જીવતી કુરાન છે,
રોજે પીવાતી એ તો જીવતી ઋચાઓ છે.
જળ એ જીવન છે રે, જળ એ જીવન છે.