ફોન લઈને બેઠાં છે

બા'ર વાદળ વરસે છે, એ ફોન લઈને બેઠાં છે,

આંખે પાંપણ તરસે છે, એ ફોન લઈને બેઠાં છે.

બાર ગાઉ ચાલે છે, પણ ઘર મહીં જે હાફે છે.

શ્વાસ મારા લપસે છે, એ ફોન લઈને બેઠાં છે.

એક સામટુ વરસ્યું'તું લાગણીનું પાણી જે,

કટકે કટકે ખરચે છે, એ ફોન લઈને બેઠાં છે.

સાંભળો તો વાત હૈયાની ઘડીભર થોભીને;

થોડું થોડું કણસે છે, એ ફોન લઈને બેઠાં છે.

વાત સૌ કોઈ સભામાં ખંખેરીને ઉઠો તો,

ના કે'વાની શરતે છે, એ ફોન લઈને બેઠાં છે.