સૂરજને ને મારે આડું પડ્યું
સૂરજને ને મારે આડું પડ્યું
સૂરજને ને મારે આડું પડ્યું
વ્હાલાએ આવવાનું પાછું ઠેલ્યું
કાળુ વાદળું એવું ધમ ધમ વરસ્યું
માળુ જાણે માથે આભલું પડ્યું
સૂરજને ને મારે આડું પડ્યું
અંતર કાંપે મારું પાંદડું જાણે
મન મારું વળ્યું કોકડું જાણે
વાદળાની આંખમાં તણખું પડ્યું
સૂરજને ને મારે આડું પડ્યું
વ્હાલો એવો મારો ગયો સીમમાં
સૂરજ નખ્ખોદિયો દેખાણો આભમાં
વ્હાલાને મારે ભવનું છેટું પડ્યું
સૂરજને ને મારે આડું પડ્યું.