ધોધમાર વરસાદમાં
ધોધમાર વરસાદમાં
1 min
13.2K
લાગણીઓનાં ધોધમાર વરસાદમાં પલળેલી
મારી,
ભીની ઇચ્છાઓને લાવ જરા તડકે સૂકવવા નાંખું,
નારાજગીની વાડ પર આછી આછી હમણાં ઊગેલી,
આ લીલીછમ ચાહતને ચાલ આજે મન ભરીને ચાખું.
મન તો બન્યું છે પતંગિયું મારું ચોમેર કરે ઉડાઉડ,
માને ના કહ્યું બીલકૂલ એ તો,કેમ કરી બેસાડી રાખું.
હૈયાના બાગમાં ખીલ્યાં છે સેંકડો ગુલાબ ને મોગરા,
એમાં ઊડતા આ સ્પંદનોના ટહૂકાને કેમ છાના રાખું.
ને હમણાં જ તાજી ફૂટેલી નવી ઉર્મિઓની કૂંપળોને,
હળવે હાથે 'જશ' પંપાળવાનું આમ જ ચાલું રાખું.