Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Zaverchand Meghani

Classics

0  

Zaverchand Meghani

Classics

પારેવાં લ્યો !

પારેવાં લ્યો !

1 min
102


પાળે ઘુમે પારેવડાં પારેવાં લ્યો,

ટોડલે ઘૂમે મોર,માના જનમ્યા ! પારેવાં લ્યો.

પાંચ ધોળાં પાંચ વાદળી પારેવાં લ્યો,

આંખડી રાતી ચોળ, માના જનમ્યા ! પારેવાં લ્યો.

આંગણીયે પગ પાડતાં પારેવાં લ્યો,

ધૂળમાં ગૂંથે ફુલ, માના જનમ્યા ! પારેવાં લ્યો.

જોડલું જૂદું થાય નૈ, પારેવાં લ્યો,

રોજ પારેવી સંગ માના જનમ્યા ! પારેવાં લ્યો.

આભને આરે ઉડતાં પારેવાં લ્યો,

પોઢતાં પૃથવી માંય માના જનમ્યા ! પારેવાં લ્યો.

અસળ ધાન આરોગતાં પારેવાં લ્યો,

નીકર કાંકરી ખાય, માના જનમ્યા ! પારેવાં લ્યો.

ચબૂતરે એનાં બેસણાં પારેવાં લ્યો,

રાજમોલુંને ગોખ માના જનમ્યા ! પારેવાં લ્યો.

બેનીબાએ બોલાવીયાં પારેવાં લ્યો,

તીતી ! તીતી ! બોલે માના જનમ્યા ! પારેવાં લ્યો.

આંગળીએ ઉડી બેસતાં પારેવાં લ્યો,

હથેળીએ ચણ ખાય માના જનમ્યા ! પારેવાં લ્યો.

ઝીણી ઝીણી ચાર ઝાંઝરી, પારેવાં લ્યો,

ઘૂઘરીઆળી ઘડાવો માના જનમ્યા ! પારેવાં લ્યો.

ભાભલડી પે'રાવશે પરેવાં લ્યો,

પારેવડાંને પાય માના જનમ્યા ! પારેવાં લ્યો.

રૂમઝુમન્ત નેવલે પારેવાં લ્યો,

ઓસરીએ ઘમકાર માના જનમ્યા ! પારેવાં લ્યો.


Rate this content
Log in