હળાહળ ઝેર
હળાહળ ઝેર
હળાહળ ઝેર પી લીધું અહીં, શંકર ન માની લે,
સમાવું છું બધું ભીતર મને, સાગર ન માની લે.
કરું મંથન મળે લક્ષ્મી અહીંયા, એ સફળતા છે,
પછી ઐશ્વર્યનો સ્વામી બનું, કંકર ન માની લે.
હશે છોડો હવે ભૂલી અહીં, આગળ વધી જાઓ.
અમારી લાગણીને કંઈ તું, પથ્થર ન માની લે.
સંબંધો એટલે પાકાં નથી કીધાં ખબર છે કેમ ?
નથી પાયો હવે કાચો છતાં નક્કર ન માની લે.
છે પારંગત નથી અણઘડ છતાં એનો ફરક વરતાય,
નજરમાં ત્યાંજ ભરતી આવતી, સાગર ન માની લે.