મહેંદીના સમ
મહેંદીના સમ
1 min
13.7K
માત્ર પડઘાઓ છે, કોઇ તાળી નથી,
તું નથી તો દિવાળી દિવાળી નથી.
તું હતી તો હતી રોશની-રોશની,
તું નથી તો આ રાતો રૂપાળી નથી.
પાની ઊંચી કરી ફૂલ તું તોડતી,
બાગ તો એજ છે પણ એ ડાળી નથી.
એ મહેંદીના સમ, આવીજા..આવીજા,
જે મહેંદી હજુ તેં પલાળી નથી.
એના હર એક અક્ષરની પૂજા કરું,
એની ચિઠ્ઠી મેં એક્કેય બાળી નથી.
જિંદગી આખી મારી એ ટાળી ગયા,
વાત જેની કદી પણ મેં ટાળી નથી.
રાતમાં બેવફાઈને ઘોળી 'નિનાદ',
આ ગઝલને મેં અમથી ઉજાળી નથી.