મા એટલે તો...
મા એટલે તો...
1 min
7.2K
મા એટલે તો...
એની કુખમાં રાખે,
જનમ આપે, ધવડાવે, રમાડે,
જીવતા શીખવાડે, એ ખરું પણ
મા એટલે તો..
માન, સ્વમાન, અભિમાનને કરે નેવે,
સજળ સંવેદના અને સ્પંદનને હૈયે સેવે,
એક અજીબ વળગણ, એ ખરું પણ
મા એટલે તો..
હારું કે પડું હું તો એ બધે એ રડે,
ન માંગું તોય સઘળું બધું મને ધરે, હું છું કારણ એ છે, એ ખરું પણ
મા એટલે તો...
છેલ્લો શ્વાસ, છેલ્લો ધબકાર, છેલ્લો..
એનો હાથ, વ્હાલ, ચુમ્મી, સ્પર્શ છેલ્લો,
પ્રેમ,મમતા, વાત્સલ્ય, એ ખરું પણ
મા એટલે તો...
આજે જીર્ણ થઈ ગઈ છે આંખો ‘કલ્પ’ની,
છતાં બધું રીવાઈન્ડ કરી જોઈ વળ્યો,
ઘણી વ્યાખ્યા શોધીતારી, તોય શોધ છે
મા એટલે તો..