જય ગોવિંદા જય ગોપાલા.
જય ગોવિંદા જય ગોપાલા.
1 min
6.8K
પોપટ પેઠે પઢતાં રહેવું જય ગોવિંદા જય ગોપાલા;
ઢાળ મળે ત્યાં ઢળતાં રહેવું જય ગોવિંદા જય ગોપાલા
.
એકમેકને દેખ્યા તોયે ના દેખ્યાના જેવું કરવું;
પોતાનું બસ કરતાં રહેવું જય ગોવિંદા જય ગોપાલા.
ધૂન મજાની એવી જામી તું ખોવાયો; હું ખોવાયો;
શબદ શબદ ત્યાં જપતા રહેવું જય ગોવિંદા જય ગોપાલા.
અરથ ન એકે ગાંઠે બાંધ્યો શ્લોકો સરખું ગોખી નાખ્યું;
આપણ તો બસ લખતાં રહેવું જય ગોવિંદા જય ગોપાલા.
કવિતા તો છે કરવા જેવું કામ છતાં પણ કરવું ક્યાંથી ?
આંસુ સાથે ઝરતાં રહેવું ? જય ગોવિંદા જય ગોપાલા !