કુહૂ કુહૂ કુહૂ કુહૂ.......
કુહૂ કુહૂ કુહૂ કુહૂ.......
1 min
13.5K
કુહૂ કુહૂ કુહૂ કુહૂ કોયલડી ટહુકે ને ડાળ આખી
મધમીઠું ઝૂલે,
મધમીઠી યાદોની સંગે આકાશ મારાં મનનું જો હળવેથી ખૂલે,
ખળ ખળ ખળ ઝરણાંની સંગે જો આજ હું પર્વત ને ખીણોમાં ઝૂમું,
ગુન ગુન ગુન ભમરાની સંગે હું તો કુંજ કુંજ વન વન ઘૂમું
ઝરમરતી વાદળીની ઝાંઝરીનાં રણકારે તીતલીઓ ચૂમે ફૂલે ફૂલે
કુહૂ કુહૂ કુહૂ કુહૂ.......
સનન સનન પવન વીંઝે પાંખો ફેલાવી ઓલી મંજરીનાં ઝુમ્મરો ડોલે,
ફર ફર ફર પાલવની કોરે ચિતરેલા પેલાં પોપટ સંગ મેના હીંચકોલે,
ઝળહળતી ચાંદનીનાં રૂપાળા અજવાળે દીધું'તું ચુંબન કોણ ભૂલે?
કુહૂ કુહૂ કુહૂ કુહુ.......