હોવી જોઇએ...
હોવી જોઇએ...
દોસ્તીમાં એકબીજાની કદર હોવી જોઇએ,
તુજને પણ આ વાતની ખબર હોવી જોઇએ.
નિષ્ફળ સંબંધોનો દોષ આજ તુજને દઉં છું,
કિંન્તુ મારી યે લાગણીમાં કસર હોવી જોઇએ.
દૂર થવા દો આ રાતને, કિરણ ઊભરી આવશે,
જોને, અંધકારમાં જ ક્યાંક સફર હોવી જોઇએ.
મૌનની ભીતરમાં હજારો ગાથા સમાયેલી છે,
અશ્રુને પણ જાણે વાચાની જરૂર હોવી જોઇએ.
જયાં પૂર્ણ થાશે મિલન કેરી આશ મંઝિલની,
ત્યાંથી જ નવી 'પ્રીત'ની લહર હોવી જોઇએ.