માનવની કાયા

પૂર્વનાં પુણ્યપ્રતાપે મળે છે કાયા માનવની,

કદી કરી કૃપા આપે મળે છે કાયા માનવની.

સૌથી અધિક બુદ્ધિમત્તા જે બળને હરાવે,

સત્કાર્યોને મંત્રજાપે મળે છે કાયા માનવની,

પામી દેહ માનવ ઇશનો ૠણી થયો જીવ,

ચોરાશી બંધનો કાપે મળે છે કાયા માનવની,

મોજમજાને એશોઆરામે વિતાવે જિંદગી,

હરિભજનને ઉથાપે મળે છે કાયા માનવની,

ભરી લો ભાથું પરભવનું પરમાર્થ કામ કરીને,

શું પ્રાપ્ત કર્યું છે આપે? મળે છે કાયા માનવની.