ક્યારે હરિવર આવે

ક્યારે હરિવર આવે મુજ દ્વાર ?

અંતર મારું આજે અનરાધાર.

સ્વાગત કાજે વહેલી હું જાગી.

માયા મોહ મમતાને રહી ત્યાગી,

ક્યારે આંગણે સાંવરિયા સરકાર?

ક્યારે હરિવર આવે મુજ દ્વાર?

પ્રતિક્ષા મારી હરિ ભવોભવની,

પરીક્ષા કેટલી હવે આ જીવની?

ડગલેને પગલે હોય તારા ઉચ્ચાર ,

ક્યારે હરિવર આવે મુજ દ્વાર?

સમર્પણ મુજ જીવન શણગાર .

થાકી કરી કરીને હરિવર પોકાર

મુજ જીવનના પ્રીતમ આધાર,

ક્યારે હરિવર આવે મુજ દ્વાર ?