જુદો હોય છે
જુદો હોય છે
1 min
13.2K
પારદર્શક કાચનો અણસાર જુદો હોય છે.
વેણ મીઠા વેચતો,વેપાર જુદો હોય છે.
પુષ્પના આ મ્હેકતા મારગ ઉપર ચાલી રહી,
કંટકો મધ્યે થતો, સ્વીકાર જુદો હોય છે.
એક ખાલીપો અહીં પણ સાવ ખીચોખીચ છે,
ત્યાં જ ઉઠતી ટીસમાં, બળનાર જુદો હોય છે.
દેવના દરબારમાં રસ કોઈને ક્યાં છે હવે,
હાથ જોડી માંગતો નાદાર જુદો હોય છે.
ક્યાંક ઈતિહાસો રચાયા, ક્યાંક કબરો થઈ નવી,
કાગળો પર એ છપાતો ભાર જુદો હોય છે.