શ્યામનો રંગ
શ્યામનો રંગ
1 min
14.1K
હું પ્રણયના તાનમાં લયલીન થાતી જાઉં છું,
ને તમારા નામમાં લયલીન થાતી જાઉં છું.
બોલ તારા ગળચટ્ટા,
રણકો પડે કંઈ વ્હાલનો,
વેદનાનાં ગામમાં લયલીન થાતી જાઉંં છું.
હું પ્રણયના તાનમાં...
એક તારો એ ઇશારો,
શાનમાં સમજાવતો,
એ ને એ મુલાકાતમાં લયલીન થાતી જાઉંં છું.
હું પ્રણયના તાનમાં...
સપ્તરંગી ચુંદડી,
છેડે ઘમકતી ઘુઘરી,
એ પ્રણયના ગાનમાં લયલીન થાતી જાઉં છું.
હું પ્રણયના તાનમાં...
ઘોડી દીધી આ જાતને,
તારા મહી તારા મહી,
રંગના ચોગાનમાં લયલીન થાતી જાઉં છું.
હું પ્રણયના તાનમાં...