જીવવું મારે નથી
જીવવું મારે નથી
1 min
13.1K
ભાવ ઉલજનના ધરીને જીવવું મારે નથી,
જાત સાથે છળ કરીને જીવવું મારે નથી.
મન વગરનાં માન મોભા.મેળવો શા કામના,
લાગણીને અવગણીને જીવવું મારે નથી.
વળ ચડેલી વાત સામે છાપ ખોટી ઝાંખતી,
ચોર મનને છાવરી ને જીવવું મારે નથી.
સાવ ખોટી સાવ પોકળ રીત રસ્મો ફાલતી,
લાભ દેતી કળ ધરીને જીવવુ મારે નથી.
આસ્માની પંખ ધારી ખોજ વાને આ ધરા,
સાત કોઠા ચાતરીને જીવવું મારે નથી.
રંગ બદલી ૠત માસૂમ આંખ સામે રાચતી,
પાનખરમાં સરવળીને જીવવું મારે નથી.