મમ્મી, મધર, મોમ, તું મારી માવડી રે

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

ગર્ભાકાળથી બંધાયો આપણો આ નાળસબંધ

તારા થકી દાદી, બહેન, પત્ની સાથને સબંધ

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

ખાતા પીતાં બોલતાં ચાલતાં દોડતાં શીખવ્યું તે

ક્ષણે ક્ષણે અહર્નિશ શ્વસું છું જે શ્વાશોશ્વાસ દીધો તે

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

મા તું મારી, પણ તારી મા છે તુંથીય તું નાની

બાળ રખોપા કાજે લગીરેય ન કરે પાછીપાની

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

મા તારી વાતોમાં મને મૌજ આવે ભારી

તું મારી ગુરુ બની છો જીતું દુનિયા સારી

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

તુંકારે બરકું હું તુજને મા દઉં દિલથી

સો ગુરુની ગરજ સારતી, શીખવે દુનિયા સારી

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

જગતજનની મા તું તારા જેવી જનભોમકા

વ્યક્ત થાઉં જેમાં એ મારી વ્હાલી માતૃભાષા

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

સાચું રે સગપણ આપણું સ્વર્ગ તારા ચરણે વસતું

દુ:ખે દુ:ખણા લેતી તું, સુખે શૂન્ય થઈ જાતી

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

ડે ઉજવણીમાં આજે માતૃદેવો ભાવ ભૂલાયા

પ્રણમું વારંવાર તને, તુજ કૃપાએ અમે સવાયા

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!

 

ખમ્મા મારા લાલ કહેતી સાંભળું હું સદાયે

નથી જોઈતું કાંઈ કશું, તારું છત્તર રહે સદાય

મમ્મી, મધર, મોમ, તું મારી માવડી રે

જીવનમાં મારા તું જ પહેલી નારી!