શું કરું?

શું કરું આ છાનાં ડુસકાનું શું કરું?

હૈયે લીધેલા આ ચાબખાનું શું કરું?

 

સહજતાથી સમજું લાગણી તારી,

પણ તારા વહેતાં આંસુનું શું કરું?

 

અણસમજું હજી આ દિલ છે મારું,

દુનિયાદારીની આ સલાહોનું શું કરું?

 

રસ્તો એક જ છે એના મારા માર્ગનો,

વચ્ચે આવતા એ મુકામનું શું કરું?

 

સાંખી લે છે હ્રદય દુનિયાની વાતોને,

વગર વાંકે આવતા નામનું શું કરું?

 

હું તો મારા મહીં એકલો જ ભટકું,

મારા સાથે ભટકતા ‘આભાસ’નું શું કરું?