તમે આવો તો ખરા
તમે આવો તો ખરા
1 min
1.5K
દરિયામાં આવે ભરતી ને ઓટ તમે આવો તો ખરા;
તૂફાન તો ભલે આવે ને જાય તમે આવો તોખરા,
કાયમી રોકાણની ફુરસદ ન હોય તો કંઈ નહિં;
જીદ ક્યાં કરું કે રહો દિલમાં જ તમે આવો તો ખરા,
લખતાં ક્યાંક ખામી રહી જાય તો ચલાવી લેજો;
કાગળ કલમને શીખી રહ્યો હુંય તમે આવો તો ખરા,
સમય ઓછો હોય તો શ્વાસે થોડી અવરજવર કરો;
અમારું દિલ ચોરી કરો ભલે પણ તમે આવો તો ખરા,
મને તો ફક્ત તમારા દિલને જ લખવાનું ફાવે;
ભીતરે રુહાના આંટાફેરા મારવાય તમે આવો તો ખરા