આખો ગઈ પચાવી
આખો ગઈ પચાવી
1 min
13.5K
ફૂલની ભીંતો ચણાવી ને સુગંધી પણ ચઢાવી;
એટલે તો મહેકતું આકાશ અવસરને સજાવી;
રોમરોમે; શ્વાસ શ્વાસે સૌને ગમતી ચીજ સરજી
જિંદગી નામે સફરને આગવી ઓળખ અપાવી !
શબ્દની સાથે જ અર્થો એવું પણ કરતા રહે છે
ખુશ્બૂની ચાહતને સંગે મૂર્તિ આરસની લખાવી !
પ્રેમપત્રો સમ વહેતી બાનીમાં સઘળું ઉજાગર
ખૂબ જૂની ચિઠ્ઠી એની જાણે હમણાં હાથ આવી !
મૌનના પર્યાય જેવા લાખો વરસોથી વહેતા--
ક્ષણ સમી નાનકડી વસ્તુ યુગ આખો ગઈ પચાવી !