હવે બાકી શું રહ્યું?
હવે બાકી શું રહ્યું?
ગઈ એ અને ઘણું બધું ગયું,
ફંફોસું છું, હવે બાકી શું રહ્યું?
અનેરો ઉજાસ હતો એનો,
ચોફેર અંધારું, કંઈક તેજસ્વી ગયું,
બોલકણી એ મધુર અવાજ,
નીરવ શાંતિ, કંઈક કર્ણપ્રિય ગયું,
હંમેશા એ હસતું મુખ તેનું,
જોવાય છે, સઘળું જર્જરિત થયું,
જાજરમાન વ્યક્તિત્વ એનું,
એના વગર, કંઈક હતું ન હતું થયું,
લાગણીઓ ભરપુર વહેતી,
બંજર ભૂમિ, કંઈક રણ જેવું થયું,
એ ગઈ અને ઘણું બધું ગયું,
ફંફોસું છું, હવે બાકી શું રહ્યું?