નખશીખ ચલ પલળીએ
નખશીખ ચલ પલળીએ
1 min
13.2K
છત્રીને બાજુ રાખી, ક્યારેક ખુદ ઉઘડીએ;
ચિંતા બધી જ છોડી, નખશીખ ચલ પલળીએ.
આજે નહી તું પલળે, તો દોસ્ત ક્યારે પલળીશ?
આ શ્વાસ હોડી પહોંચી, જીવનના છેક તળીએ.
કૃપા અગાધ વરસે, હર બુંદમાં છે ઈશ્વર,
માયા બધી મુકીને,ચલ આજ એને મળીએ.
અવસર મળ્યો છે આજે, અંદર ભરી લો ઠંડક,
ભડભડ બળે છે અગ્નિ,ક્યાં લગ ભીતરથી બળીએ.
શૈશવનો હાથ ઝાલી, ટોચે હિલોળા લઈને,
ખળખળતો ધોધ થઈને, નેવાં ઉપરથી દડીએ.