Quotes New

Audio

Forum

Read

Contests


Write

Sign in
Wohoo!,
Dear user,
બચપણ
બચપણ
★★★★★

© Gordhanbhai Vegad (પરમ પાગલ)

Others

1 Minutes   6.5K    6


Content Ranking

બચપણમાં ધૂળનાં વંટોળિયામાંય અનોખા આનંદની આંધી હતી...
પાટલુનના થીગડે માંએ મમતાથી ગરીબીની ગરિમા સાંધી હતી...!

વાંકાચૂકા રસ્તા ને ખેતરની કેડીઓ હાઇવેથી પણ ચડિયાતી હતી...
મા-બાપના  પરસેવાની  સુગંધ  કર્મયોગની પ્રેરણા બનતી  હતી...!

ઉનાળામાં ભર - બપોરે ઉઘાડા પગે ભટકવાની આઝાદી  હતી...
ને ચોરી છુપીથી નદી તળાવમાં નહાવાની નિર્દોષ મજા હતી...!

પહેલ-વહેલા વરસાદથી સરજાતી મહેક માટીની શબ્દાતીત હતી...
ખંતની ખેડને વિશ્વાસની વાવણીથી ખુશી સૌની ઉભરાતી હતી...!

ખેતર - ખળાં ના ખોળામાં ખુશ્બૂ ધન-ધાન્યની ખુટતી નહોતી...
ગોળ-ઘી ને મરચામાં વાનગીઓ તાજની પણ વામણી હતી...!

બાપુએ શેકેલા મગફળીના ઓળાની તો વાતજ નિરાળી હતી...
ગરમ પોંકને ઘુંટાથી શિયાળાની જાહોજલાલી ઘૂંટાતી હતી...!

તહેવારોના ઉલ્લાસમાં ભાગીદારી આખે-આખા ગામની હતી...
કપડાની એક જ નવી જોડીમાં ખુશી તો આખા શો - રૂમની હતી...!

માની શિખામણ ને આતાનો અનુભવ મૂડી જિંદગીની સાચી હતી...
'પરમ' સુખ-સંતોષ ને નિઃસ્વાર્થમાં જિંદગી સૌની 'પાગલ હતી…!

અછાંદસ કવિતા બચપણ

Rate the content


Originality
Flow
Language
Cover design

Comments

Post

Some text some message..