ઓ રેઇન હવે તો આવ

ઓ રેઇન હવે તો આવ

એસીમાં બેઠો બેઠો હું પરસેવામાં ન્હાવ

ઓ રેઇન હવે તો આવ

 

બે મિનિટ બહાર નીકળું તો બાપ રે બાપ

અલ્ટ્રા મોડર્ન ગોગલ્સમાં પણ લાગે છે તાપ

કેમ જીવાશે આમ હાવ?

ઓ રેઇન હવે તો આવ

 

જરા સરખી ગરમી પડતા તારી યાદ આવે

એ ના ગમે કે તું સાથે કાદવ કીચડ લાવે

કાગળની હોડી સ્ક્રીનમાં વહાવ

ઓ રેઇન હવે તો આવ

 

તારા વિના કેમ થાશે વરસાદી વાતો ચેટમાં

એન્જોય રેઇન હું કેમ મુકીશ સ્ટેટ્સ અપડેટમાં

ચાતક હવે મોબાઈલમાં બની જાવ

ઓ રેઇન હવે તો આવ