ગઝલ બને છે
ગઝલ બને છે
1 min
1.4K
ભીતર કશુંક ખાળું ત્યારે ગઝલ બને છે
ભીતરને ક્યાંક ઢાળું ત્યારે ગઝલ બને છે
ક્યારેક મારી અંદર ઉડતા પતંગિયાને
પાંપણ ઉપર પલાળું ત્યારે ગઝલ બને છે
કાગળની હોડીઓમાં તરતા મૂકેલ સપનાં
ડૂબી જતાં નિહાળું ત્યારે ગઝલ બને છે
ચપટી ભરીને મારાં ખાલીપણાનો દરિયો
કાગળ ઉપર ઉછાળું ત્યારે ગઝલ બને છે
ક્યારેક હું જ મારાં પગલાઓ શોધવાને
રસ્તાની રેત ચાળું ત્યારે ગઝલ બને છે