ઝખ્મ
ઝખ્મ
1 min
194
મીઠી ખણ
વધતી ગઈ
ત્યારે
બુઠા નખથી વલૂરતા રહ્યાં
અચાનક એ નખ વધી ગયા
વલૂરતા રક્તના ટશિયા ફૂટયા
એ જગ્યાએ કાયમી ડાઘ.
વણ રુઝયા ઝખ્મ
નાસૂર બન્યાં
વલૂર તો ચાલુ જ હતી
એ ઝખ્મને વારંવાર તાજો કરવા
આદત પડી ગઈ'તી સહેવાની
કે મજબૂરી
સમજાયું જ નહીં
અને
આદતવશ એણે આપ્યો
દાઝયા પર જ ડામ
ઝખ્મ એમ થોડો રુઝાવા દેવાય ?
પીડાનો અહેસાસ
દર્દના આંસુ
સાથે
અવગણનાને તિરસ્કાર
ઝખ્મ બની રહ્યાં
પેલા વધેલા નખ
બસ
એને વલૂરતા રહે છે
કદાચ ઝખ્મ ભૂલાય જાય તો ?
ચાલ નખ કાપીએ.