પ્રેમચાવી
પ્રેમચાવી
સપ્તપદીના ફેરા ફર્યા,
પ્રેમના મંત્ર ભણી લીધા,
વીંટી પ્રતિકની પહેરાવી,
પ્રેમવેલી પર પુષ્પ આવ્યું.
એવું શું તોફાન આવ્યું કે,
ઘરમાં મોટી તિરાડ પડી !
એકબીજાને વીંટી બતાવે !
શું પ્રેમમા ઓટ આવી કે ?
ઘરમાં ભલે ભંગાણ હોય,
દીલમાં તિરાડ ન પડાય,
ચાવી હજુ બે અકબંધ છે,
આ તો પ્રેમથી જ ખૂલે !
યાદ કરો એ સુંદર પળો,
જુઓ જરા કોમળપુષ્પ,
જોજો કરમાય ન જાય !
ભુલચૂક ભુલો જરા !
અહમનો અંચળો કાઢો,
પ્રેમથી ચાવીઓ લગાવો !
ત્યારે ઘર ફરી જોડાઈ જશે,
ને વીંટીઓ આંગળીમાં જશે.
નાજુક પુષ્પ મ્હોરી ઉઠશે,
ઘર મટી મંદિર બની જશે,
પ્રેમ ચાવીનો મહિમા ઘણો,
પૃથ્વી પર સ્વર્ગ આવી જશે .