પ્યારા શિક્ષક
પ્યારા શિક્ષક
ઓ પેલા શિક્ષક ભણાવે બા.(2)
પાટીને પેન તે હાથમાં પકડાવે,
કાલાઘેલા વેણથી એકડો ઘુટાવે.
પછી તે બગડો ઘુટાવે બા..
ઓ પેલા શિક્ષક ભણાવે બા.(2)
ચકા-ચકીની તે વાર્તા સુણાવે,
એક્શન કરીને માથું ડોલાવે.
પછી વાર્તાનું નાટક કરાવે બા.
ઓ પેલા શિક્ષક ભણાવે બા.(2)
રંગ રે રંગની રમત રમાડે,
બધાજ રંગોની ઓળખ કરાવે.
પછી તે ચિત્ર દોરાવે બા,
ઓ પેલા શિક્ષક ભણાવે બા.(2)
લીલા કાગળનો પોપટ બનાવે,
લાલ કાગળનો ગુલાબ બનાવે.
પછી તે ધોળું સસલું બનાવે બા.
ઓ પેલા શિક્ષક ભણાવે બા.(2)