શ્યામ મારી પાસે આવે
શ્યામ મારી પાસે આવે
1 min
277
રાધા તારા કાન ને કે,
મને રાસે રમતા શીખડાવે,
વૃંદાવન છોડીને એ મારા,
ઉરના ફળિયામાં આવે.
શ્યામ તારી વાંસળીના સૂર,
ત્રણ ભુવનને ડોલાવે,
કે ને નરસૈયા એ આવે,
મને ભવના ફેરામાંથી છોડાવે.
મોરપીંછના મુંગટમાં મુખડુ,
શ્યામ સુંદર મલકાવે,
કે ને મીરા મને એ વહેલી સવારે,
સપનામાં મળવા આવે.
સાચુ સરનામું એનુ,
બસ એક તારી જ પાસે,
કે ને સુદામા તારા કાનને,
કે એ દોડીને મારી પાસે આવે.