વિરહની વેદના

મૂશળધાર વરસાદમાં સજન યાદ તારી પજવતી,

કાળા ડિબાંગ વાદળને વળી વીજ આભ ગજવતી,

વરસાદી છાંટણા જાણે અંગ-અંગ મારું દઝાડતા,

નિહાળવા મુખ તારું જોને આંખ મારી તરસતી,

રંગબેરંગી પતંગિયા ડાળ-ડાળ પર કેવા ઊડતા,

વરસાદી સાંજે પિયુ સંગ સહેલી મારી હરખતી,

તુજ વિના સાથી અષાઢની હેલી મને ડંખ કેવા દેતી,

સહેવાયના આ દૂરી હવે હર આહ મારી તડપતી,

એક-એક પળ હવે લાગે મને જાણે યુગ સમી, તારા વિનાની સઘળી રાત જોને મારી સળગતી,