આ રસ્તો
આ રસ્તો
કદીક કદીક તો હરખાય આ રસ્તો
મલક મલક થઈ મલકાય આ રસ્તો
સમજાવીએ છતાંય કોઈ સમજે નહિ
રિસાય જો કોઈ અને માને જ નહિ
ત્યારે ખોટા ખોટા સમખાય આ રસ્તો
કદીક કદીક તો હરખાય આ રસ્તો
ખબર નથી પડતી ત્યારે કશું કરવાની
પડછાયો જો ના પાડે સાથે ચાલવાની
ત્યારે તો બહુ જ સલવાય આ રસ્તો
કદીક કદીક તો હરખાય આ રસ્તો
ચૂપ થઈ જાય જ્યારે બને સુનમુન
વ્રુક્ષો બોલવાનું બંધ કરીને, ધરે મૌન
ત્યારે ગુસ્સે થઈને અકળાય આ રસ્તો
કદીક કદીક તો હરખાય આ રસ્તો .
કરમાઈ જાય કોઈ તાજુ ખીલેલ ફૂલ
નાની અમથી પણ થઈ જાય જો ભૂલ
ત્યારે વારે ઘડીએ પસ્તાય આ રસ્તો
કદીક કદીક તો હરખાય આ રસ્તો
ગમે તેને હંમેશ હોય જે હસતું રમતું
આવે ચાલનાર જો કોઈ મનગમતું
તો ગાંડો ઘેલો થઈ જાય આ રસ્તો
કદીક કદીક તો હરખાય આ રસ્તો
હોય જો માહોલ પ્રેમની માગણીઓનો
થાય જો ભરપૂર વરસાદ લાગણીઓનો
સાગરની જેમ 'જશ' છલકાય આ રસ્તો
કદીક કદીક તો હરખાય આ રસ્તો