.તું એટલે મારું તરબોળ ચોમાસું..
.તું એટલે મારું તરબોળ ચોમાસું..
1 min
13.7K
એ ઝુલ્ફો જ્યાં ઝટકે ને બેસે ચોમાસું.
એ મુખ એવું મલકે ને બેસે ચોમાસું.
એકાદી મીઠી ઘટના પાલવમાં બાંધે,
એ પાલવ સર સરકે ને બેસે ચોમાસું.
કાળા ઘાટા વાદળ તે આંખોમાં આંજે,
એ પાંપણ તસુ ફરકે ને બેસે ચોમાસું.
રુમઝુમ રુમઝુમ ચાલે ધરતી એમાં મ્હાલે,
એ ઝાંઝર છન છનકે ને બેસે ચોમાસું.
સમણાંની સેજે ફૂલો આલિંગન ભરતા,
એ હૈયે પળ ધડકે ને બેસે ચોમાસું