હરિની હાટડીએ
હરિની હાટડીએ
1 min
14K
હાલ્યને હરિની હાટડીએ જઈએ,
વહેલા મોડા એની સંમુખ થઈએ.
ત્યાં આવે છે ઘરાક ઊંચાકૂળનાં,
હોય હરિને વહાલાં એનાં મૂળનાં,
આખરે આપણે એનાં જ છઈએ,
હાલ્યને હરિની હાટડીએ જઈએ.
પ્રેમ પદારથ ત્યાં રે કેવો વહેંચાતો,
બાંધીએ હરિવરથી આપણે નાતો,
અહં પીગાળી સ્નેહ થઈને વહીએ,
હાલ્યને હરિની હાટડીએ જઈએ.
સામો દોડી આવે એવો એ વેપારી,
નથી ભેદભાવ એને ત્યાં નર કે નારી,
માનવતાને પછી મબલખ ખરીદીએ,
હાલ્યને હરિની હાટડીએ જઈએ.