ઓ આવે હરિ હસતા
ઓ આવે હરિ હસતા
1 min
270
ઓ આવે હરિ હસતા, સજની ! ઓ આવી હરિ હસતા;
મુજ અબળા એકલડી જાણી, પીતાંબર કે'ડે કસતા.
પંચરંગી પાઘા કેસરિયા રે વાઘા,
ફૂલડાં મહેલ્યાં તોરા;
માહારે આંગણિયે દ્રાખ બિજોરાં,
મેવલે ભરાઉં તાહરા ખોળા.
પ્રીત કરે તેની પૂંઠ ન મેલે,
પાસેથી તે નથી ખસતા;
મીરાં કે પ્રભુ ગિરિધરના ગુણ,
વ્હાલો હ્રદયકમલમાં વસતા.
ઓ આવે હરિ હસતા, સજની ! ઓ આવી હરિ હસતા;
મુજ અબળા એકલડી જાણી, પીતાંબર કે'ડે કસતા.