રાખું છું
રાખું છું
1 min
7.0K
હોઠ પર તારું છૂપાવી નામ રાખું છું,
ફૂલની પાસે ભ્રમરને આમ રાખું છું !
સૌ કૂતુહલથી જૂએ છે પણ હું જાણું છું,
બંધ આ પરબીડિયે પયગામ રાખું છું!
કોઈ પણ બાબત શરૂ થઈ જાય તારાથી,
કહી શકે કે એનો હું અંજામ રાખું છું ?
આવશે તું ઉમ્રભર, બેઠી પ્રતીક્ષાએ,
વાંસળીની ફુંકમા હું શ્યામ રાખું છું !
આવવાની તારી આહટ તુર્ત સંભળાતી,
ભીડની વચ્ચે મને સૂમસામ રાખું છું !
ના ભલે પહોંચી શકું મંઝિલ ઉપર તો પણ,
માર્ગમાં છું, સાથમાં આરામ રાખું છું !