ભવ્ય ભ્રષ્ટાચાર
ભવ્ય ભ્રષ્ટાચાર
શું તમે તરસની વાત કરો છો,
પાછા રણમાં મુલાકાત કરો છો,
મૃગજળની લાંચ આપી તમે જ,
એક ભવ્ય ભ્રષ્ટાચાર કરો છો,
તમે જ ચોમાસાને રાખી બાનમાં,
નકામી ભીંજાવાની વાત કરો છો,
અનરાધારનું વચન યાદ છે?
ને ઝરમર વરસાદ કરો છો,
આગાહીમાં બહુ અટવાયાં તમે,
સાચે વરસવાની વાત કરો છો?
આખો'દિ વાદળનાં જૂઠાં વાયદા,
ક્યાં કદી તમે ભીની રાત કરો છો,
હવે તો સ્મરણ સરવરે ના'શું,
તમે ક્યાં છલકવાની વાત કરો છો.