ના શકીએ?

સૂરજ ઊગે છે ત્યાં અને અજવાળું થાય છે અહીંયા આ

ઉગતા સૂરજની રંગોળીના રચયિતાને જાણી ના શકીએ?

 

જીવતો માણસ ચાર મણની બોરી ઉચકે, ને મરેલાને

ચાર જણ ઉંચકે, કુદરત ના આ કરિશ્માને જાણી ના શકીએ?

 

સૂવો તો સમાધિ અને ઉઠો તો ઉપાધિ આ

રહસ્યના રખેવાળને ખોળી ના શકીએ?

 

કીડીને કણ અને હાથીને મણ આ કણ, મણ

અને જણના દાતારને જાણી ના શકીએ?

 

ધમની, શિરામાં રુધિર વહે છે દિનરાત અવિરત,

ચેતનાનો પ્રવાહ વહાવનારને જાણી ના શકીએ?

 

શિશુથી ઈશુ સુધી જીવનો જ દબદબો છે પણ

અચાનક ચાલ્યા જતાં આ જીવને જાણી ના શકીએ?

 

લેશમાત્ર થાય પીડા તો બોલાય આહ, ઉહ, ઓહ, તો

નવ-નવ માસ સુધી પીડા સહન કરનાર એ "મા"ને જાણી ના શકીએ?