Quotes New

Audio

Forum

Read

Contests


Write

Sign in
Wohoo!,
Dear user,
પતંગનો ઓચ્છવ
પતંગનો ઓચ્છવ
★★★★★

© Ramesh Parekh

Inspirational

1 Minutes   94    2


Content Ranking

પતંગનો ઓચ્છવ

એ બીજું કંઈ નથી, પણ

મનુષ્યના ઉમળકાઓનો છે ઘૂઘવતો વૈભવ !

નભની ઊંડીઊંડી ઉદાસીઓને લૂછવા

નભની ભડભડતી એકલતા ભૂંસવા

જુઓ, મનુષ્યો-

ઉંમગના રંગોમાં ઝબકોળી-ઝબકોળી

પ્રીતિની પીંછી ફેરવતા ઉજ્જડ-ઉજ્જડ નભમાં.

ઉજ્જડ નભને નમણું નજરાણું

ઉર્ફે આ પતંગ !

હરેક જણના પતંગ પર

લખિયો છે આ સંદેશો કે

હે નભ ! તું નીચે આવ !

આવ નીચે ને જરાક હળવું થા…

માર નગારે ઘા,

ગમગીનીનો ગોટો વાળી

જલદી કૂદ કછોટો વાળી

ઓચ્છવના આ રંગકુંદમાં ડૂબકી મારી ગા !

આવ, આવ, તું જરાક નીચે આવ ને હળવું થા…

આભ, તને

આ પતંગ રૂપે છે નિમંત્રણ-

નીચે આવી ચાખ ઉમળકો,

ચાખ જુવાની, ચાખ લાગણી

ચાખ પ્રેમ ને ચાખ હૃદયના ભાવ

આભ, તું જરાક નીચે આવ…!

પતંગ ઓચ્છવ નિમંત્રણ આવ કવિતા

Rate the content


Originality
Flow
Language
Cover design

Comments

Post

Some text some message..