હૈયાનાં દ્વાર
હૈયાનાં દ્વાર
હૈયાનાં દ્વાર ખોલી છાના માના એના ખાનામાં જોયું,
તો છબી તારી, યાદો તારી, વાતો તારી ને જખ્મો તારા,
એક એક વસ્તુ ધ્યાનથી જોઈ, પ્રથમ જોઈ છબી જ્યારે,
તો એ વાળ તારા, એ આંખો તારી, એ હોઠ તારા, એ ગાલ તારા,
છબી જોઈ પછી થઈ તાજી યાદો જ્યારે ત્યારે તો આહાહા !
એ રીસાવુ તારું, એ મનાવું મારું, એ હસવું તારું, એ ખીલવું મારું,
ને યાદો પછી તો એ વાતો સાંભરી ને કંઈક ગલગલીયાં થયા ફરીથી,
એ કિટ્ટા તારી, એ બુચ્ચા તારી, એ મસ્તી તારી, એ પ્રીતિ તારી,
ને એ જખ્મો હૈયાની જમીન પર ઉપસી આવ્યા જોને અહીં,
એ મળવું તારું, એ ભળવું તારું, એ નડવું જગનું, એ છૂટા પડવું તારું,
હૈયાનાં દ્વાર ખોલી છાના માના એના ખાનામાં જોયું,
તો છબી તારી,યાદો તારી,વાતો તારી ને જખ્મો તારા.