ગઝલ - ઘર
ગઝલ - ઘર
બારી નહિ દરવાજો નહિ દિવાલ વિનાનું ઘર છે,
ધન દોલતમાં કાંઈ નથી ને તો પણ એ સદ્ધર છે.
સૌ પોતાના કમરામાં જઇ બેસે એ કઈ રીતે,
ભેગા થઈને તાપે છે સૌ ઘરમાં ક્યાં હિટર છે.
ના પૉપ ના છે ઝુમર રાચરચીલું ક્યાં છે,
ઘરમાં છે બસ તુલસી ક્યારો તો પણ એ સુંદર છે!!
અબજો ખર્ચે ના મળનારો ચોકીદાર મળ્યો છે,
રખવાળો છે તેનો ઈશ્વર તેને શેનો ડર છે?
હાર્દિક પંડયા જેવી એ તો છે ઓલરાઉન્ડર,
માં જ રસોઈયણ, માં છે માળી, માં ઘરની નોકર છે.