સજાવીને બેઠા
સજાવીને બેઠા
1 min
6.5K
મનોમન મનોરથ સજાવીને બેઠા
વિચારો અનોખા વસાવીને બેઠા
છતાં રોજ થીજી જવાતું સંબંધે
સમજ તાપણાને તપાવીને બેઠા
અમૂલ્ય કહીને ન લેતું કોઈપણ
અરે! ભાગ્ય કેવું લખાવીને બેઠા
ઘરેઘર બધાને થઇ જાણ જેની
અમે એ જ વાતો છુપાવીને બેઠા
અમે ધ્યાન રાખ્યું નહી સંસ્કૃતિનું
મળી વારસામાં ગુમાવીને બેઠા
ધરમનાં જ નામે કરે એ તો ધંધા
ભભૂતિ શરીરે લગાવીને બેઠા
ફક્ત વેશ બદલીને સાધુ થયા ત્યાં
તરત ભીડ લોકો જમાવીને બેઠા