હા અમે એ ગુજરાતી

હા હું ગુજરાતી છું..

હા અમે એ જ ગુજરાતી..

ગર્વથી ગુજરાતી..

ઘર માં બે ટંક ખાવા ના હોય,

એવા માં જો મહેમાન આવે ઘરે તો,

પોતાનું ભાણું ખવડાવી ખુશ રહે.

હા અમે એ ગુજરાતી..

મહેમાનગતિમાં અવ્વલ,

ભલે પહેરે રવિવારી ના કપડાં,

તોય મોજ કરે, તોય હસતો રહે,

હા અમે એ ગુજરાતી..

કામ હોય ઘણા,

દામ હોય બમણા,

તોય મોજમાં જીવે,

હા અમે એ ગુજરાતી..

સવારે દૂધ વાળો એક રૂપિયો વધારે લે ઘરે આપી જવા માટે,

એ પોસાય પણ પોતે જાતે ના જાય,

એમ સમજે કે બિચારો ક્યારે કમાશે અને પોતે સૂતો રહે,

હા અમે એ ગુજરાતી..

ખુદાની મહેર હોય કે ના હોય,

શ્રી રામની લહેર હોય કે ના હોય,

મોહરમમાં તાજીયા બનાવે ભેગા મળી,

રથયાત્રા પ્રસાદ વહેંચે ભેદભાવ ભૂલી.

હા અમે એ ગુજરાતી..

હોય પોતે દુઃખોના પહાડ નીચે,

તોય બીજા ને કહે,"હાલ લા ચિંતા ના કર હું તારી પડખેજ છું, તું આગળ વધ."

હા અમે એ ગુજરાતી..

કામ ધંધા નેવે મૂકી,

ભાઈબંધના દુઃખમાં ભાગીદાર થાય,

હા અમે એ ગુજરાતી..

પોતાના દુઃખો ભૂલી,

બીજાના દુઃખોમાં સહારો બને,

હા અમે એ ગુજરાતી..

ઊંઘ કોઈ હરામ કરે તો એને મૂકે નહીં,

પણ પાડોશીના પ્રસંગમાં રાત દિવસ એક કરી નાખે,

હા અમે એ ગુજરાતી..

અમે મોજીલા અમે ગર્વિલા ગુજરાતી.

હા હું ગુજરાતી છું..