સદા અમે ભરમાયા

મૌન રહીને મૂંઝાયા, ને બોલીને બંધાયા

સંબંધોના કૂંડાળામાં સદા અમે ભરમાયા

 

સંબંધોના શીલ તત્વને જાણી શકે કો’ વિરલા!

સંબંધોના ભાવ પ્રેમને માણી શકે કો વિરલા!

 

સરળ સીધા રસ્તે ચાલ્યા તોય અમે અટવાયા

સંબંધોનાં કૂંડાળામાં સદા અમે ભરમાયા

 

હાસ્ય અમારું ભૂલાયું ને રડવાનું નાં ફાવ્યું

સંબંધોની જાળવણીમાં મન સદા અટવાયું

 

તરસ હતી નાં તોય અમે તો મૃગજળ પાછળ દોડ્યા

સંબંધોનાં કૂંડાળામાં સદા અમે ભરમાયા