શાળામાં ફરીથી

કદમ શું પડ્યા ધરા પર શાળાની

બચપણની યાદો ઘસમસતી આવી ગઇ

રમવા, હસવ‍ાને રડવાની ગાથાઓ

ધીરેથી મારી નસનસમાં સમાઇ ગઇ

ઘુંટેલો એકડો એ પાટીમાં પહેલો

છાપ તે હાથોમ‍ાં ફરી ઉપસાવી ગઇ

વાંચતા લખતા ને કરતા જે ગમ્મત

કાજલ બનીને આંખમાં અંજાઇ ગઇ

હોમવર્કના ઢગલા ને એક્ઝામની ચિંતા

ચેહરા પર એમ જ સ્મિત ફરકાવી ગઇ

નાસ્તાના ડબ્બા ને મિત્રોની ગોષ્ઠિ

ફરીથી કોઇ એ જ્યોત પ્રગટ‍ાવી ગઇ

વરસાદમાં ભીંજાતું સૌષ્ઠવ એ એક

પહેલો પ્રેમ બનીને દિલ તરસાવી ગઇ

છેલ્લી મુલાકાતને વિરહ એ મિત્રોનો

આ નાનકડા જીવ ને કંઇ કેટલુય સમજાવી ગઇ

ચાલતા કદમો આ શાળામાં ફરીથી

પાછું એ મારુ બચપણ જીવાડી ગઇ