સૂકી આંખોમાં ભીનો ઇન્તજાર..
સૂકી આંખોમાં ભીનો ઇન્તજાર..
1 min
1.5K
એક આકાશનો ટુકડો જો ખાલીપાને તરશે
તો આ મરુસ્થળમાં પણ મેઘરાજ વરસે
મારી આ સુકી આંખોમાં એક ભીનો ઇન્તજાર
ને પ્યાસ મારી આંખોની એક મયખાનું ઝંખે
ઝુલ્ફ તારી ગૂંચવાઈ આ હવાઓના ઈશારે
તો ઉલઝન આ દિલની મુજ એને જ ઝંખે
નૈસર્ગિક તમન્નાઓને કેમ કરીને સમજાવું
કદમ આ મારા બસ તારી જ ગલીને ઝંખે
તારું નામ લખું ને આ લહરો ભૂંસી જાય
તોય આવારગી દિલની ફરી ફરીને લખે
ઉછળતા અરમાનોની ભરતી બની બેકાબૂ
તું હવે આવે તો જ આ અંતરમાં ઓટ આવે
આલિંગન આ તેજ હવાઓની બાહોનું મને
જકડે છે તો મન મારું એ જ પ્રથમ મિલન ઝંખે
હેડકીઓએ આખી રાત જગાડ્યો છે મને "પરમ"
"પાગલ" શું કામ તું મને યાદ કરી કરીને ડંખે