શહાદત

ભારતીય સેનાના ઇતિહાસનો એ ગોઝારો દિવસ,

ભારત માતા એ સપૂતોને ગુમાવ્યાનો એ દિવસ;

મા-ભોમની રક્ષા કાજે અંતિમ શ્વાસ સુધી લડ્યા એ નરબંકાઓ,

એ વીરોની શહાદતને શ્રદ્ધાંજલિ અર્પે આ ભ્રષ્ટ નેતાઓ.

કેટલાય મા-બાપનો છીનવાઇ ગયો ઘડપણનો આધાર,

તો કેટલાય બાળકોનો છીનવાઇ ગયો બાપ;

ત્રણ દિવસ કે ત્રણ મહિનાનું એ કમનસીબ બાળક,

જેનો ચહેરો જોઈ ના શક્યો એ બાપ.

કેટલીય સૌભાગ્યવતી નારી બની વિધવા,

તો કેટલીય નારી સૌભાગ્યવતી બનતા પહેલા જ થઇ વિધવા;

ભાઇ-બહેનો એ ગુમાવ્યો એમનો લાડકો ભાઈ,

મિત્રો એ ગુમાવ્યો ભાઈથી અદકેરો ભાઈબંધ.

શું આ પરિસ્થિતિ ફકત શત્રુઓ કે આતંકવાદીઓની છે ભેટ,

કે એનાથી પણ ઉપર છે કોઈ ગદ્દાર દેશવાસીની આ ભેટ;

બે દિવસનો માતમ મનાવી દેશવાસી ગયા ભૂલી,

શું આ શહીદો એ શહાદત આપણા માટે વહોરી!!