ખુશાલી
ખુશાલી
અદભુત શરૂઆત હોય છે જીવનની,
રોમાંચક પળો હતી એ જિંદગીની.
જીવનનુ ઘડતર શરૂ થયું,
જ્યારે શાળામાં ચોપડે નામ થયું.
જીવનનો પાયો હોય છે શાળા,
ત્યાંથી જ નીકળે છે કોહીનુરનાં હીરા.
કુમળાં છોડનું કરવું જતન,
એ કંઈ એવું નથી સરળ.
કોરી પાટી જેવું હોય છે બાળ મન,
તેમાં સાચા રંગ પુરવા એ છે કઠણ.
એ જ તો છે પાયાનું સિંચન,
એ જ શાળા ભુલકાને કરાવે છે ચિંતન.
આજે પણ યાદ છે મને એ શાળા,
હતી એ નાની, પણ હતી નિરાલી.
સગવડો ઓછી, પણ ખુશી હતી મજાની,
નીચે બેસીને ભણવામાં પણ હતી ખુશાલી.
આજે આ સુખ સાહ્યબીમાં પણ ક્યાં છે ખુશી ?
રોજ હોય છે એક નવી ચિંતાની પનોતી.
ફરી આવી જાય એ સોનેરી દિવસો પાછાં,
મનની મુંઝવણનાં મારગ કરવા છે નોખાં.