રાખી છે
રાખી છે
જાત એણે સાવ અળગી રાખી છે,
મોર માફક માથે કલગી રાખી છે,
પ્યાર માં ખુવારી ની પરવા નથી,
સાચવીને તો ય પગલી રાખી છે,
આગમનની વાત જયાં મે સાંભળી,
ભરબપોરે સાંજ ઢળતી રાખી છે,
આ બધો મય ધારુ તો હું પી શકું,
મેં સુરાહી દોસ્ત ગળતી રાખી છે,
જીવતો'તો જે હવા ના જોરે હું,
એ હવાએ લાશ જલતી રાખી છે,
ચાંદની અભિમાન તારૂ તોડવા,
ચીજ એવી એક મળતી રાખી છે,
"જોગી" હસવાનો કરે છે ડોળ ને,
એક છાની અશ્રુ ઢગલી રાખી છે.